Sino ba ako?
Isang tanong na walang sagot
May pangalan ako
Pero hindi iyon sapat

Sino ba ako?
Marahil hindi mo rin alam
Kilala mo ako
Pero sa pangalan nga lang

Tatlong salita
Bumubuo sa isang tanong
Sino ba ako?
Pero napakahirap ng sagot

—
Written May 20, 2005

Siya ay nagbalik
Ikaw ay nagalak
Ako ay nalumbay

Nung siya ay umalis
Ikaw ay nalungkot
Ako ay nalumbay

Siya ay nawala
Ikaw ay inalo
Ako ay nasaktan

Siya ay narito na
Ikaw ay sumaya
Ako’y patuloy na nasaktan

—
Written Feb 24, 2004